解咒說明書丨麗英赴東京拍新歌MV 一改從前曲風:希望大家可以走出陰霾
撰文: TOPick柴犬出動
發布時間: 2024/07/31 14:33
最後更新: 2024/07/31 14:33
▲ 麗英新歌《解咒說明書》MV。
既是演員又是歌手的麗英,在鏡頭前大家總能感受到她的歡樂,一直以來推出的歌曲以跳脫輕快為主。繼年初的《美男子圖鑑》後,推出新的情歌《解咒說明書》,這次是麗英較少展露的傷感面向。
歌曲靈感來自於她自己的感情經歷,為製作這首歌花費了6位數字,更前往日本拍攝MV。
MOOV Live 麗英丨首個開個人音樂會 麗英以歌寫情書不忘初心
推出愛情三部曲
麗英表示今年將會推出「愛情三部曲」,講述自己在愛情中的不同狀態,而這次新歌是第二部曲,主題圍繞着「療傷」,描寫她受到情傷的狀態。
麗英說:「第一首《美男子圖鑑》講對愛情嘅憧憬,喺花多眼亂嘅世界選擇自己鍾意嘅人;《解咒說明書》就係講緊受情傷嘅狀態,喺復原中嘅階段的情歌。另外,『愛情三部曲』歌名都有設計過,全部都係同書有關,大家可以期待一下!」
對於《解咒說明書》,麗英表示:「我曾經喺一段關係裏面俾人嫌棄過,其中一個分手理由係嫌棄我着太多T恤牛仔褲,呢件事都令我非常傷心。後來,我發現一個人唔鍾意你,其實乜嘢都可以成為理由。我相信好多人都試過喺愛情上被人嫌棄,例如唔夠上進、身形唔靚之類,所以,我希望呢首歌可以安慰有相似經歷嘅人。任何人被嫌棄都會唔好受,我都經歷過自信心低落嘅時期,但之後明白到自己價值應該係由自己而定,最緊要係識得愛自己。」
借打拳助療傷
這次更是麗英首次到期待已久的日本拍攝MV,找來《全死角美少女戰士》的導演Christopher 再次合作,說:「今次係我第一次喺日本拍MV,期待咗好耐,終於做到了,實在得來不易!因為我哋預算同時間都有限,計埋來回機程只係用咗3日時間,同埋要走12個景點,所以時間係非常緊湊。」
導演Christopher安排了一個情節,講一個失戀女仔好努力做運動,借打拳幫助自己療傷。
麗英演繹傷心爆哭
事後,導演才得悉原來麗英會打拳,她說:「因為去年開個人音樂會關係,我特登去學打拳,幫自己唱歌練氣,冇諗到拍MV派上用場,仲有機會見識到日本拳館。今次仲要多謝導演安排咗個靚仔日本教練陪我打拳,好彩之前打咗一年,連教練都讚我個直拳幾好。」
此外,MV有幾場麗英傷心爆哭的場口,其中最令她最深刻的是:「有一場戲我要喺隧道入面抱頭痛哭,隧道上面就有一條鐵路,我哋為咗令個畫面靚啲,所以特登睇時刻表去捕捉列車經過,但係同時要hold住傷感嘅情緒。好彩拍咗1 take導演就收貨,如果唔係,我哋要等多一個鐘先有另一架同款列車。」
最新影片推介:麥秋成專訪
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5